LIZENTZIAK: Obra-lizentzia eskaera

Organo kudeatzailea

• Lesakako Udala - Hirigintza saila

Xedea

• Honako obra hauek egiteko lizentzia lortzea: etxebizitzen barrualdea eraberritzekoak, igogailua jartzea, lokaletako erreforma txikiak, balkoiak, fatxadak, hegalak, teilatuak, kanpoko aroztegiak konpontzea, errotuluak eta toldoak jartzea, eraispenak, panteoiak, etab.

Nork egin dezake izapidea

• Edozein pertsona fisiko edo juridiko interesduna edo ordezkari baten bidez.

Nola egin daiteke izapidea

• Telematikoki. Orri honen behealdean dagoen Instantzia berria botoia sakatuz. Beheko txantiloia osatuta atxikituz.  
  • Eskatzailea administrazio publikoekin elektronikoki harremanak izan BEHAR DITUEN PERTSONA JURIDIKOA EDO SUBJETUA bada, horrela bakarrik aurkeztu ahal izango du. 
• Presentzialki, udaletxeko bulegoetan

Aurkeztu beharreko agiriak

• Beheko txantiloian dagoen jarduera sailkatuen inprimakia beteta. 
• Aurrekontu xehatua.
• Etxebizitza edo lokalak eraberritzeko obretarako kokapen- eta kokaleku-planoak, egungo egoeraren eta erreformaren planoak, sekzio, altxaera, bornatu eta gainazalen planoak, aurrekontu xehatua, fatxada, ate eta leihoen materialak eta kolorea aurkeztuko dira eta, lokalen kasuan, zertarako erabiliko diren adieraziko da.
• Fatxadari, leihoei, terrazei eta balkoiei eragingo dieten obretarako, Jabeen Erkidegoaren baimena aurkeztuko da.
• Eraikuntza berriko obretarako edo eraikinen erabateko zaharberritzeetarako euskarri informatikoa (CDa edo antzekoa) erantsiko da, eraikinaren kokapen-planoekin eta oinplano orokorrekin.

Nola eta noiz ebazten da?

• Eskaera obrei hasiera eman baino lehen egingo da beti. Bide publikoa okupatzeko lizentzia eskatzea, obren izaerak hala eskatzen duenean, obra-eskaeren barruan sartuko da. Ahazten den kasuetan soilik joango da interesduna ondoren eskatzera.
• Lizentzia eman ondoren obra ez bada egin behar, interesdunak idatziz eskatu beharko du baimena baliogabetzeko.
• Obrako lizentziak eman eta urtebetera bukatzen dira; epe hori igarotakoan lizentzia berritu behar da.